Prošeavtta ulbmilat

SaamSote ”Kultursensitiiva skuvlejumiid oktasašovddideapmi sámiid sosiála- ja dearvvašvuođabálvalusaide” -prošeavttas ovddiduvvo ámmátallaskuvlladási skuvlejumiid, mat vuhtiiváldet sámekultuvrra erenomášvuođaid.

Skuvlejumiid ulbmilin lea buoridit sode-suorggi studeantaid ja bargiid gelbbolašvuođa identifieret ja deaividit sámeáššehasa dahje pasientta su kultuvrralaš vuolggasajiiguin. Bargiid máhttu kultursensitiiva dahje kultuvrralaččat oadjebas doaibmavuogiiguin buoridit sápmelaččai sode-bálvalusai kvaliteta, oláhahttivuođa ja dorvvolašvuođa.

Skuvlejumiid plánemis ja ovddideamis lea mielde sámekultuvrra áššedovdit, geain lea varas oaidnu ja máhttu dálá sode-suorggi dárbbuiguin.

Prošeavtta áigge ráhkaduvvo oktiibuot 90 oahppočuoggá veardde skuvlejumiid, guđetge áššehas- dahje pasientajoavkuide. Jus sámekultuvrra ja kultursensitiiva bargovuogádagat eai leat oahppása, sáhttá álgui čađahit dáidda laktaseažži vuođđokurssaid.

Dát non-stop neahttaskuvlejumit bohtet jagi 2025 áigge rabas ámmátallaskuvlla fáláldahkii ja dat lea dárkuhuvvon bargiide, geat jo dovdet sámekultuvrra, sihke dakkáriide, geat leat easka oahppásnuvvamin sámekultuvrii. Bargobihttáid bokte studeanta gártá reflekteret iežas jurddašanmálliid ja bargovuogádagaid sámekultuvrra ektui ja dainna vugiin nanne iežas kulturipmárdusa.

Oahpahus- ja kulturministerija (OKM) ruhtada SaamSote -prošeavtta.

​